Ku isi ya YouTube y’iki gihe, gukorana (collaboration) byabaye uburyo bukomeye bwo gutuma abakora ibiganiro bakura vuba mbese bongera umubare wababakurikira, bagasangira abafana, n’ibitekerezo bishya. Iyo abantu babiri cyangwa barenzeho bakoranye, bashobora kugaragara muri video imwe, kumenyekanisha imiyoboro y’abandi, cyangwa no gusangira video imwe igaragara ku makanal menshi.
Ibi bituma ibikorwa byabo bigera kuri benshi kandi bigafasha buri wese kumenyekana kurushaho.
Gukorana kuri YouTube (YouTube Collaboration) bivuze igihe abakora ibiganiro babiri cyangwa barenzeho bafatanya gukora video imwe cyangwa ingeri zifitanye isano.
Bishobora kuba:
- Kugaragara hamwe muri video imwe,
- Kureba uburyo buri channel yashyiraho version yayo ya video imwe,
- Cyangwa gusangira video imwe ku buryo igaragaza amazina y’ama channel yombi munsi yayo.
👉 Urugero: “NEIZZO TV SHOW and Neizzo Pro” — video imwe igaragara kuma channel abiri.
Aya ni amasezerano akoreshwa n’achannel yemewe cyangwa ari muri gahunda ya YouTube Partner Program.
Umwe muri bo ni we ushyira video kuri YouTube, hanyuma akongeramo channel y’undi nk’ufite uburenganzira bungana.
Ibi bikorwa muri:
YouTube Studio → Content → Advanced Settings → Rights management → Add co-owner.
Iyo uwo mukorana abihamije, YouTube ihita yerekana amazina y’acano yombi munsi ya video — ntagombere gushyirwamo ibisobanuro.
Uko watangira gukorana kuri YouTube
Mukore cross-promotion: mwandike link za video ku mbuga zanyu zombi, mushyire end screens cyangwa playlists zihuriyeho.
Mwemeranye ku gitekerezo n’uko video izakorwa.
Mumenyane ku buryo bw’uburenganzira (ni nde uzayishyira kuri YouTube).
Mushyireho amazina y’amacano yombi mu title cyangwa description.
Niba bishoboka, kenera uburenganzira bwo gukorana muri:
YouTube Studio → Settings → Permissions → Invite collaborator.
hano muri search wandikamo izina rya channel wamara kuyibona ukayoherereza invite
Inyungu zo gukorana kuri YouTube
- 🚀 Gukurura abafana bashya – buri mukorana agaragaza mugenzi we ku bafana be.
- 🤝 Gusangira ubuhanga n’ibitekerezo – bituma video iba nziza kandi ishimishije.
- 💰 Gusangira inyungu (revenue) – iyo video isangiwe, inyungu zishobora kugabanywa mu buryo bwemewe.
- 🔗 Gukomeza izina ry’umwuga (branding) – gukorana bituma am channel agaragara nk’ayizewe kandi akomeye.
Urugero rwiza ni urwa NEIZZO TV SHOW and Neizzo Pro — aho video imwe igaragara nk’iy’amakanali yombi.
Ni urugero rwerekana uburyo gukorana ku rwego rw’umwuga bituma amakanali yombi akura kandi agera ku bafana benshi.
Gukorana kuri YouTube si ukwicarana gusa ngo mukore video imwe — ni ugusangira amahirwe, ibitekerezo, n’ubumenyi.
Ibi bituma buri mukorana agera ku bantu bashya, kandi bigafasha ama channel yombi kwiyubaka mu buryo burambye.
Niba ushaka gukura kuri YouTube, tangira utekereze uwo mwakorana, mufite intego imwe, maze mukore video yanyu ya mbere hamwe.
🔹 Byanditswe na: Daniel – Neizzo
