Ibihano YouTube Iha Abayikoresha n’Uburyo Wabyirinda

YouTube ni urubuga rukomeye ku isi rufasha abantu gusangiza abandi ibitekerezo, ubumenyi, indirimbo, filime, ibyamamare ndetse n’ubuzima busanzwe. Ni isoko y’amakuru n’imyidagaduro ikomeye, ariko nanone ifite amategeko akomeye agenga uburyo ikoreshwa. Iyo umukoreshwa atubahirije ayo mategeko, ashobora gufatirwa ibihano bikomeye harimo gukurwaho amashusho, gufatirwa konti cyangwa kuyifungwa burundu.

Muri iyi nkuru tugiye kugaruka ku bihano YouTube iha abayikoresha n’uburyo wabirinda, kugira ngo uzamure umusaruro wawe mu buryo burambye kandi bwemewe.

---

Ibihano YouTube Iha Abayikoresh

1. Community Guidelines Strike
   Ibi bihano bitangwa iyo ushyizeho amashusho cyangwa ibintu binyuranyije n’amabwiriza rusange ya YouTube. Harimo:

• Gushyiraho amashusho y’urugomo cyangwa y’urwango.
• Gukwirakwiza amakuru y’ibinyoma ashobora guteza ikibazo.
• Gushyiraho ibintu byerekeye ubusambanyi cyangwa biganisha ku buraya.

Ubonye strike imwe, uba uhagaritswe iminsi mike utabona amwe mu mahirwe yo gukoresha YouTube. Iyo ubonye strikes eshatu mu minsi 90, konti yawe ihita ifungwa burundu.

2. Copyright Strike
   Iki gihano gitangwa iyo ukoresheje ibintu by’abandi (nk’indirimbo, amashusho cyangwa amafoto) utabisabiye uburenganzira.

• Ubu ni bumwe mu bihano bikomeye cyane kuko ari uguhonyora uburenganzira bw’abahanzi n’abandi bahanzi.
• Iyo ubonye copyright strikes eshatu, konti yawe irafungwa burundu.

3. Kuvanaho Amashusho (Video Removal)
   Hari igihe video ishobora gukurwaho bidatinze mu gihe igaragayeho ibintu binyuranyije n’amabwiriza ya YouTube. Uburyo bwo kuyigarura buragoye keretse ushyikirije YouTube ubusobanuro bwemewe kandi bigaragare ko hari amakosa yabaye.
4. Age Restriction na Demonetization

• Iyo amashusho afite ibintu bibangamira abana, YouTube ishobora kuyashyiriraho age restriction (ntibashobore kuyareba keretse bagejeje ku myaka runaka).
• Iyo ukora ibintu binyuranyije n’amabwiriza y’ubucuruzi, YouTube ishobora kutayemerera kwinjiza amafaranga (demonetization).

Uburyo Wabyirinda

• Koresha ibintu byawe bwite: fata amashusho yawe, amafoto yawe cyangwa indirimbo wakoze cyangwa wafatiye uburenganzira.
• Saba uburenganzira mbere yo gukoresha ibintu by’abandi. Hari indirimbo cyangwa amashusho aba ari ku murongo wa Creative Commons License, ushobora kubikoresha ariko ushyiremo credit y’umutwe wabikoze.
• Soma Community Guidelines za YouTube buri gihe kuko zihora zivugururwa.
• Irinde urwango n’ibinyoma.
• Shyira imbere inyungu z’abareba, ukore ibintu bifite umumaro.

Inama ku Bakora YouTube

• Gerageza gukora content idasanzwe ariko yubahiriza amategeko.
• Shyira imbaraga mu gukora ibintu byiza aho gushaka views by’igihe gito binyuranyije n’amategeko.
• Koresha amafoto n’amashusho atari mu burenganzira bw’abandi cyangwa aboneka ku mbuga z’ubuntu nka Pixabay, Pexels, Unsplash.
• Niba utizeye neza indirimbo cyangwa amashusho ushaka gukoresha, ni byiza kubyirinda.

Ndasoza mbabwira
YouTube ni urubuga rw’ingirakamaro cyane, ariko kugira ngo tugume kurukoresha neza no kurubyaza umusaruro, tugomba kubahiriza amategeko arugenga. Iyo ugiye gushyiraho video, jya ubanza wibaze uti: “Ese ibi nibyo kandi byemewe?”.

Kwiga amategeko, gukoresha ibintu byawe bwite no kubaha uburenganzira bw’abandi ni byo bizakurinda ibihano ndetse bigufashe kugira ejo hazaza heza muri YouTube.